AQUATHERM ALMATY 2024 АЛАҢЫНДА ЖЫЛЫТУ, СУМЕН ЖАБДЫҚТАУ ЖӘНЕ КЛИМАТТЫҚ ЖҮЙЕЛЕРГЕ АРНАЛҒАН ОЗЫҚ ТЕХНОЛОГИЯЛАР ТАНЫСТЫРЫЛАДЫ
2024 ЖЫЛДЫҢ 4-6 ҚЫРКҮЙЕК АРАЛЫҒЫНДА АЛМАТЫДА 16-ШЫ ХАЛЫҚАРАЛЫҚ ЖЫЛЫТУ, СУМЕН ЖАБДЫҚТАУ, САНТЕХНИКА, АУАНЫ БАПТАУ МЕН ЖЕЛДЕТУГЕ АРНАЛҒАН ТҰРМЫСТЫҚ ЖӘНЕ ӨНЕРКӘСІПТІК ЖАБДЫҚТАРДЫҢ - AQUATHERM ALMATY 2024 КӨРМЕСІ ӨТЕДІ.
Биылғы жылы көрме Қазақстан инфрақұрылымының белсенді дамуы аясында ерекше маңызды болуға уәде береді. Өнеркәсіп және құрылыс министрлігінің деректеріне сәйкес, Қазақстанда 2024 жылға республикалық бюджеттен сумен жабдықтау және су тарту жүйелерін салу және реконструкциялау жөніндегі 324 жобаны іске асыруға 218 миллиард теңге бөлінді. «Бұл шаралар жыл соңына дейін қала халқының 99,5%-ын және ауыл халқының 97,8%-ын ауыз сумен қамтамасыз етуге мүмкіндік береді», - деп ҚР Өнеркәсіп және құрылыс министрі Қанат Шарлапаев атап өтті. Ел тұрақты дамуға және коммуналдық инфрақұрылымды жаңғыртуға қол жеткізуге ұмтылады, бұл Aquatherm Almaty 2024-ті инновацияларды көрсету және тәжірибе алмасу үшін ерекше өзекті алаңға айналдырады.
Aquatherm Almaty құрылған сәтінен бастап өзін жаңа технологияларды таныстыру үшін маңызды алаң ретінде көрсетті. Биылғы жылы іс-шара өз алаңында Әзірбайжан, Беларусь, Египет, Үндістан, Иран, Италия, Қазақстан, Қытай, Польша, Ресей, Сингапур, Түрікменстан, Түркия, Чехия және Оңтүстік Корея сияқты 16 елден 230-дан астам қатысушыны жинайды. Германия, Қытай және Түркия өндірушілері іс-шараның ауқымы мен халықаралық маңыздылығын көрсете отырып, ұлттық стендтерде өздерінің ең жақсы шешімдерін ұсынады.
Қатысушылар өз стендтерінде желдету, ауаны баптау және сумен жабдықтау жүйелері, құбырлар мен құбыр арматурасы, конвекторлар, тұрмыстық және өнеркәсіптік қазандықтар мен радиаторлар, сорғылар, электр құралдары, жылу оқшаулау, бақылау-өлшеу аспаптары, ағынды суларды тазарту технологиялары, санфаянс, сыйымдылықтар мен резервуарлар, жылу алмасу жабдықтары, ультрадыбыстық шығын өлшегіштер, бактерицидті ультракүлгін шамдар және т.б. өнімдерді ұсынады.
Қатысушылардың шамамен 40%-ы көрмеге алғаш рет қатысады, бұл салаға жаңа көзқарас пен оның дамуының жаңа перспективаларына кепілдік береді. Көрменің дебютанттары: Polimod, Терморос, Рационал-Азия, Aironn, Blauberg Ventilatoren, Ростерм, Эспа Эдк, Energo Trade, Юникорн, Sky Industrial Group, STS-PV, Tash Radiator, Weltem, Горняк автоматты қазандықтары, Solarius, Boiler, Эквадор-НТ және Riifo Kazakhstan.
2023 жылы көрме 2 265 бірегей келушіні жинады, бұл керемет нәтиже және іс-шараға деген жоғары қызығушылықтың дәлелі болды. Биылғы жылы экспозиция одан да үлкен және әртараптандырылды, бұл Қытай өндірушілеріне арналған жаңа павильонының ашылуына ықпал етті.
Көрме жұмысының үш күні ішінде дәстүрлі түрде мемлекеттік құрылымдар, жобалау институттары мен қауымдастықтар өкілдерінің қатысуымен «Қазақстанның құрылыс саласының тенденциялары: BIM-технологиялар, жасанды интеллект және сейсмикаға төзімді жобалау» тақырыбында Пленарлық сессия өтетін қызықты іскерлік бағдарламаны өткізу жоспарлануда. Сондай-ақ, «Технарь Pro Қазақстан» Монтажшыларының 2-ші чемпионаты, B2B кездесулер, презентациялар, лотереялар және т.б. өтеді. Көрменің іскерлік бағдарламасы аясында алғаш рет сантехникалық жабдықтарды монтаждаушыларға арналған оқыту семинарлары, желдету жабдықтары мамандарына арналған авторлық мастер-класстар және келушілерге арналған Play Zone интерактивті аймағы ұйымдастырылады.
Aquatherm Almaty 2024-пен қатар құрылыс нарығының мамандарына, сәулетшілер мен дизайнерлерге тәжірибе алмасу үшін бірегей мүмкіндіктер беретін 30-шы Мерейтойлық Қазақстандық халықаралық құрылыс және интерьер KazBuild 2024 көрмесі өтеді. Көрмелерді бірлесіп өткізу қатысушылар мен келушілерге келуден барынша пайда алуға мүмкіндік беретін синергетикалық әсер береді.
Aquatherm Almaty 2024 көрмесі білім мен тәжірибе алмасу, серіктестік қатынастарды дамыту және тиімді келісімшарттар жасасу үшін маңызды алаң болуға уәде береді.
Жобаға ҚР Өнеркәсіп және құрылыс министрлігі, ҚР Құрылыс және тұрғын үй-коммуналдық шаруашылық істері комитеті, Алматы қаласының әкімдігі мен елшіліктер ресми қолдау көрсетеді.
Көрменің іскерлік серіктесі – «Технарь Оқу орталығы» ЖШҚ.
Іс-шараны ұйымдастырушы Қазақстандық Iteca көрме компаниясы және оның халықаралық серіктесі – ICA Events компаниялар тобы.
