15-ші Халықаралық «Жылыту, сумен жабдықтау, сантехника, ауаны баптау мен желдетуге арналған тұрмыстық және өнеркәсіптік жабдықтар» көрмесі
6-8 Қыркүйек 2023
Алматы, Қазақстан
15-ші Халықаралық «Жылыту, сумен жабдықтау, сантехника, ауаны баптау мен желдетуге арналған тұрмыстық және өнеркәсіптік жабдықтар» көрмесі
6-8 Қыркүйек 2023
Алматы, Қазақстан

AQUATHERM ALMATY 2022 ҚҰТТЫҚТАУ-ХАТТАРЫ

Жүнісбеков Бақытжан Мұратұлы, Қазақстан Республикасы Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істері комитеті төрағасының орынбасары

Қазақстан Республикасы Индустрия және инфрақұрылымдық даму министрлігінің атынан KazBuild 2022 Қазақстандық халықаралық Құрылыс және Интерьер көрмесінің 28-ші және Aquatherm Almaty 2022 жылытуға, сумен жабдықтауға, сантехникаға, кондиционерлеуге және желдетуге арналған жабдықтардың 14-ші Қазақстандық халықаралық көрмесінің қатысушылары мен қонақтарын қарсы аламын.

KazBuild және Aquatherm Almaty көрмелері құрылыс қоғамдастығына арналған қала құрылысы және құрылыс, құрылыс және әрлеу материалдары, сондай-ақ ғимараттар мен құрылыстарға арналған инженерлік жабдықтар саласындағы отандық және шетелдік жетістіктермен танысу үшін дәстүрлі кездесу орнына айналды.

Сөз жоқ, құрылыс саласы Қазақстан экономикасының құрылымында басты позициялардың біріне ие және оның дамуына айтарлықтай әсер етеді. Бүгінгі таңда «е-Qyrylys» бірыңғай құрылыс порталы енгізілді, ол ғимараттар мен құрылыстарды салу сапасын арттыруға мүмкіндік береді.

Көрмелер, мазмұнды іскерлік бағдарлама өткізу қазақстандық құрылыс материалдары нарығын, ЖЖ және АБ секторын және қазіргі экономикалық жағдайларда энергия тиімді шешімдерді одан әрі дамытуға ықпал ететініне сенімдімін.

Барлық қатысушыларға, қонақтарға және көрме ұйымдастырушыларына жаңа қызықты кездесулерді, қала құрылысы саласының алдында тұрған ең күрделі міндеттер бойынша нәтижелі шешімдерді тілеймін!


Д. Ахмаров, Алматы қаласы Кәсіпкерлік және инвестициялар басқармасы басшысының орынбасары

Құрметті ханымдар мен мырзалар!

Алматы қаласының әкімдігі атынан Алматы қаласының кәсіпкерлік және инвестициялар басқармасы Aquatherm Almaty 2022 - жылыту, сумен жабдықтау, сантехника, ауаны баптау, желдетуге арналған тұрмыстық және өнеркәсіптік жабдықтардың 14-ші халықаралық көрмесінің қатысушылары мен қонақтарын шын жүректен қарсы алады!

Қазақстандағы құрылыс саласы белсенді дамуын жалғастыруда, біздің ел экономикасының құрылымында басты орындардың бірін алады. Мемлекет басшысы алға қойған жаңа Қазақстанды құру жөніндегі міндеттерді орындай отырып, тұрғын үй – коммуналдық шаруашылық және инфрақұрылымдық жобаларды, сондай-ақ әлеуметтік маңызы бар мақсаттағы объектілерді дамытуға ерекше көңіл бөлінеді.

Он төрт жыл ішінде Aquatherm Almaty халықаралық көрмесі отандық және шетелдік қатысушыларының өнім мен технологиясының өзекті жаңалықтарын көрсететін, нарықтың басқа қатысушыларымен және мемлекеттік аппарат өкілдерімен бизнес-коммуникация орнататын негізгі бейінді экспо-іс-шарасына айналды.

    Көрме қазақстандық өндірушілерге өздерін дауыстап мәлімдеуге, жаңа әлеуетті клиенттерді тартуға және жетекші әлемдік тәжірибені меңгеруге мүмкіндік береді, ал халықаралық қатысушыларға сату географиясын кеңейтуге, еліміздің перспективалық нарығына шығуға және Қазақстанның құрылыс саласы мен HVAC индустриясының белсенді өсу қарқынын бағалауға көмектеседі.

Көрменің барлық қатысушылары мен қонақтарына жемісті жұмыс, жаңа перспективалық келісімшарттар және жаңа іскерлік серіктестермен ұзақ мерзімді ынтымақтастық тілеймін!